Jesse James biðst vægðar

Jesse James, hinn ótrúi eiginmaður Söndru Bullock hefur beðið fjölskyldu sína fyrigefningar fyrir framhjáhald sitt. Sandra er flutt út eftir að kom í ljós að James hafi haldið við húðflúraða módelið Michelle "Bombshell" McGee um ellefu mánaða skeið. Framhjáhaldið stóð meðal annars yfir á meðan Sandra var í tökum á myndinni The Blindside sem hún fékk síðan Óskarinn fyrir á dögunum.

Jesse gengur þó ekki svo langt að viðurkenna framhjáhaldið og segir raunar að flest sem sagt hafi verið um málið sé ósatt. Hann segist þó vera afar sorgmæddur yfir því að hafa kallað vandræði yfir Söndru og börnin. „Ég vona að einn daginn muni þau fyrirgefa mér."