Píslaganga Michaels á Hvíta tjaldið

Verið er að vinna að nýrri mynd um síðustu daga af ævi poppgoðsins Michaels Jackson, segir tímaritið Variety. Gert er ráð fyrir að myndin verði heimsfrumsýnd þann 25. júní næstkomandi. Þá verður ár liðið frá því að Jackson lést.

Titill myndarinnar verður "Farinn of fljótt" og er gerð af leikstjóranum Ian Halperin. Í myndinni verða upptökur af Jackson áður en hann lést. Einnig verða viðtöl við samferðamenn hans.

Slúðurblöðin segja að síðustu vikurnar og mánuðirnir áður en Jackson lést hafi verið honum erfiðir. Hann hafi verið skuldum vafinn og hafi verið neyddur í tónleikaferð til að takast á við fjárhagsstöðu sína.