Cheryl tekur sér sinn tíma

Breski söngfuglinn Cheryl Cole hefur beðið um tilfinningarlegt svigrúm til að íhuga hjónaband sitt og knattspyrnukappans Ashley Cole. Þetta kom fram í breska sunnudagsblaðinu News of the World. Breskir fjölmiðlar hafa fylgst grannt með gangi mála hjá parinu eftir að upp komst um framhjáhald hins lágvaxna bakvörðs enska landsliðsins og Chelsea. Fyrr í þessum mánuði var greint frá því að Cheryl hefði ráðið skilnaðarlögfræðinginn Fionu Shackleton sem rak meðal annars mál Paul McCartney og Karls Bretaprins þegar þeir gengu í gegnum hjónaskilnað sinn.

En samkvæmt News of the World virðist vera komið annað hljóð í skrokkinn hjá Cheryl Cole því þótt höfuðið segi henni að hjónabandið sé búið þá viti hjartað ekki hvernig það eigi að slá. „Innst inni veit hún að hjónanbandið ætti að vera búið. En ást hennar til Ashley virðist ekki alveg kulnuð,“ hefur News of the World eftir heimildarmanni sínum úr innsta vinahring Cheryl. „Hún ætlar að taka sér nokkra mánuði til að hugsa málið og sjá svo til.“