Kreppa heimtar nýtt skipulag

Írar standa frammi fyrir miklum niðurskurði á ríkisfjármálum vegna efnahagsþrenginga. Í tillögum stjórnvalda er rík áhersla lögð á hlut menningar í því endur-reisnarstarfi sem fram undan er. Gagnrýnendur hafa mætt þeim tillögum með tortryggni og benda á að stjórnvöld verði að endurskipuleggja styrkjakerfi ríkis og sveitarfélaga.Fjarveitingar deilist milli ráðuneyta og stofnana og kjósi menn að treysta á virkan þátt menningarlífs á Írlandi til endurbyggingar verði að taka kerfið upp og skipuleggja það að nýju.

Framlög á Írlandi til menningar-mála af öllu tagi nema nú um 200 milljónum evra eða nærri 35 milljörðum. Vísa gagnrýnendur til aðgerða Skota og Breta en þar er verið að endurskipuleggja allt styrkjakerfi hins opinbera til menningar. Þar eru opinberir aðilar með það í huga að keppa betur um athygli listunnenda og almennings heima fyrir og erlendra gesta.

Gráinne Millar sem starfar við menningarsjóðinn Temple Bar Cultural Trust hefur lagt fram tillögur um hvernig beri að einfalda styrkjakerfið með það að markmiði að fjármunir nýtist betur á skýrt afmörkuðum sviðum. Fjárveitingar til menningarmála eru fyrst í höndum þings og sveitarstjórna, síðan minnst fjögurra ráðuneyta fyrir utan margvíslega sjóði sem lúta flestir sjálfstæðum stjórnum.

pbb@frettabladid.is