Tigerinn á tónleikum með Nickleback

Elin Nordegren, eiginkona kylfingsins Tiger Woods, dvelur nú ásamt börnum sínum í heimalandi sínu, Svíþjóð. Heimildir herma að Nordegren hafi verið að endurbæta hús sem hún á í Stokkhólmi, en hún hyggst eyða sumrinu þar.

Á meðan Nordegren dvelur í faðmi fjölskyldu sinnar sótti Tiger tónleika með uppáhalds hljómsveit sinni, Nickleback, og skemmti sér svo baksviðs með hljómsveitarmeðlimum að tónleikunum loknum. Almannatenglar og aðrir í kringum kylfinginn hafa unnið hörðum höndum við að bæta ímynd hans undanfarið og mun þetta atvik hafa skaðað þá vinnu.