Demi kennir dóttur sinni súludans

Demi Moore sýndi á dögunum að hún hefur engu gleymt í súlufimi frá því hún lék í Stiptease hérna um árið. Á dögunum mætti hún í partí ásamt 21 árs gamalli dóttur sinni, Rumer Willis, sem fram fór á hinu alræmda Chateu Marmont hóteli í Hollywood.

Eins og í öllum góðum partíum ríka og fræga fólksins var svið með súlu og öllu tilheyrandi á staðnum og beið Demi ekki boðanna heldur skellti sér á súluna og sýndi Rumer nokkur vel valin trix.

Fylgir sögunni að kennslan hafi snúist upp í æsandi dans við mikinn fögnuð gesta, en þeirra á meðal var Ashton Kutcher hinn barnungi eiginmaður Demi og Leonardo di Caprio.

Þega Demi hafði lokið sér af var röðin komin að Rumer og þótti hún ekki sýna síðri takta en mamma.