Jesus vill eldri konur

Jesus Luz, kærasti hinnar sívinsælu Madonnu, játar að vera sérstaklega gefinn fyrir eldri konu. Það þarf kannski ekki að koma á óvart því að 28 ára aldursmunur er á þeim turtildúfunum.

Engu að síður sá Jesus ástæðu til þess að deila þessari hneigð sinni því með lesendum veftímaritsins Contactmusic. „Þegar ég var yngri vildi ég alltaf fara út með hverri stelpunni á fætur annarri, en þegar ég eltist þurfti ég bara eina góða stelpu," segir Jesus.

Hann bætir því við að honum hafi alltaf líkað það vel að vera í sambandi. „Það er erfitt að finna unga en þroskaða konu. Þannig að ég fór bara út með eldri konum," sagði Jesus.