Bieber hefur kysst margar

Söngvarinn Justin Bieber segist hafa kysst margar stelpur á undanförnum árum. „Ég hef átt nokkrar kærustur. Ég byrjaði að hitta stelpur þegar ég var þrettán ára. Ég var ekkert svo ungur,“ sagði hinn sextán ára Bieber í viðtali við tímaritið Heat.

„Ég hef kysst margar stelpur síðan þá.“ Spurður um vinskap sinn við raunveruleikastjörnuna Kim Kardashian sagði Bieber: „Mér finnst hún sæt. Hún er ekki of gömul fyrir mig. Þær sem eru eldri en fjörutíu eru of gamlar fyrir mig.“