Kate leggur línurnar

Kjólar eins og sá sem Kate Middleton, unnusta Vilhjálms Bretaprins, var í er trúlofun þeirra var kynnt seldust upp á innan við sólar­hring eftir að myndir af henni í kjólnum birtust. Kjóllinn er hannaður af brasilískum hönnuði sem Middleton leitar gjarnan til þegar hana vantar kjóla við opinberar athafnir.

Samkvæmt talsmanni verslunar­innar Harvey Nichols í London er kjóllinn nú ófáanlegur og er langur biðlisti eftir einum slíkum. „Okkur hafa borist margar fyrirspurnir um kjólinn. Hann seldist upp nánast strax,“ sagði verslunarstjóri Harvey Nichols í viðtali við breska Vogue.