Opna heimasíðu um kirkjur á Íslandi

Tveir bræður, þeir Andrés Ásgeir og Þórarinn Örn Andréssynir, hafa opnað heimasíðu sem inniheldur, upplýsingar, ljósmyndir og staðsetningar allra kirkna og bænahúsa á Íslandi sem eru um 360 talsins. Í tilkynningu frá þeim segir að síðan sé tengd Google maps sem auðveldi notendum að sjá staðsetningar kirknanna á mjög þægilegan og auðveldan máta.

Stutt lýsing er við hverja kirkju og annar fróðleikur um hana. Notendur geta einnig bætt við eigin ljósmyndum við kirkjurnar. „Á auðveldan máta má leita að kirkju eftir nafni, byggingarári, landshluta eða bæjarfélagi. Þegar kirkjur eru skoðaðar eftir byggingarári er hægt að skoða stök ár, áratug eða tímabil sem notandi getur sjálfur stillt."

Hægt er að skoða síðuna hér.