Loksins fann Aniston ástina

Leikkonan Jennifer Aniston og leikarinn Chris Gartin féllu fyrir hvort öðru þegar vinkona Jennifer, leikkonan Courteney Cox, skipulagði stefnumót án þeirra vitneskju.

Parið hefur sést saman á götum Los Angeles undanfarið og það fer ekki á milli mála að Jennifer hefur fundið ástina á ný.

Courteney og eiginmaður hennar, leikarinn David Arquette, eru góðir vinir Chris. En Chris og David léku saman í kvikmyndinni Johns back árið 1996.

Courteney og David buðu Jennifer í mat þar sem Chris var einnig gestur. Jennifer mætti of seint í hálfgerðu stresskasti en Chris róaði hana niður með því að gefa henni vínglas, fékk hana til að hlæja, slappa af og njóta stundarinnar.