Frægðin kemur í veg fyrir vel lukkuð ástarsambönd

Breska leikaranum Ed Westwick, 24 ára, sem fer með hlutverk Chuck Bass í sjónvarpsþættinum Gossip Girl, finnst erfitt að kynnast konum af því að hann er frægur.

Ed hefur verið í „haltu mér slepptu mér sambandi„ við mótleikkonu sína Jessicu Szohr síðastliðið ár en þau hættu saman nýverið.

Ed þykir erfitt að vera stöðugt undir eftirliti slúðurmiðla sem velta sér endalaust upp úr samböndum hans við hitt kynið.

„Stundum er þetta bara mjög erfitt. Sérstaklega þegar ég kýs að vera í friði með mín persónulegu mál. Það er erfitt að vera þekktur og láta eins og slúðrið fari ekki fyrir brjóstið á manni," sagði Ed.