Lærir leiklist

Lourdes, dóttir söngkonunnar Madonnu, mun að öllum líkindum hefja leiklistarnám við LaGuardia-skólann í New York. Talsmaður Madonnu segir fjölskylduna búsetta í New York en veit ekki til þess að Lourdes hafi sótt um inngöngu í LaGuardia. Orðrómur þess efnis hefur þó farið um skólann eins og eldur um sinu. „Ég heyrði að hún hefði fengið einkainntökupróf, ólíkt okkur hinum, sem mér þykir óréttlátt. LaGuardia er frábær skóli en stundum er eins og þau vilji vera meira eins og skólinn í þáttunum Fame,“ var haft eftir einum nemenda skólans.