Innlent

„Ég hefði aldrei farið fram á að vera starfandi stjórnarformaður“

Guðlaugur lætur af störfum sem stjórnarformaður á morgun.
Guðlaugur lætur af störfum sem stjórnarformaður á morgun. Mynd/Vilhelm Gunnarsson
Guðlaugur G. Sverrisson, fráfarandi stjórnarformaður Orkuveitu Reykjavíkur segir að hann hefði aldrei farið fram á að vera starfandi stjórnarformaður fyrirtækisins. Slíkt stríði gegn góðum venjum út frá eftirlitshlutverki stjórnarmanna. „Stjórn og stjórnarformaður eru til að hafa eftirlit með rekstrinum og það má því aldrei blanda þessu saman.“

Minnihluti Sjálfstæðisflokks og Vinstri grænna í borgarráði Reykjavíkur mótmælir harðlega þeirri tillögu meirihluta Besta flokksins og Samfylkingarinnar að stjórnarformaður Orkuveitu Reykjavíkur verði gerður að starfandi stjórnarformanni og verði þannig hluti af launuðu stjórnendateymi fyrirtækisins. Gangi tillagan eftir fær stjórnarformaðurinn, Haraldur Flosi Tryggvason, um 920 þúsund krónur í mánaðarlaun.

Guðlaugur hefur verið stjórnarformaður Orkuveitunnar undanfarin tvö ár og sinnti hann formennskunni samhliða öðru starfi. Guðlaugur fékk 225 þúsund krónur í laun á mánuði fyrir störf sín fyrir Orkuveituna. „Þetta er mikið starf og það þarf að sinna þessu vel."

Þá segir Guðlaugur að nú þegar starfi afar hæfir stjórendur hjá Orkuveitunni. Þeir hafi auk almennra starfsmanna reynst fyrirtækinu afskaplega vel.

Guðlaugur lætur af störfum sem stjórnarformaður á morgun þegar ný stjórn tekur við.

Tengdar fréttir

Jón Gnarr: Starfandi stjórnarformaður verndar almannahagsmuni

Sjálfstæðismenn og Vinstri grænir í minnihluta borgarstjórnar segja skjóta skökku við að Besti flokkurinn og Samfylkingin ráði stjórnarformann til Orkuveitunnar fyrir tæpa milljón á mánuði á sama tíma og niðurskurður er boðaður í borginni. En nýi meirihlutinn í borginni hefur ákveðið að ráða starfandi stjórnarformann til Orkuveitunnar.

Vilja starfandi stjórnarformann

Nýr meirihluti Besta flokksins og Samfylkingarinnar í Reykjavík mun leggja til að Haraldur Flosi Tryggvason verði starfandi stjórnarformaður Orkuveitu Reykjavíkur (OR), samkvæmt heimildum Fréttablaðsins. Það þýðir að hann mun gegna formennsku í fullu starfi á hærri launum en fyrrum formenn.

Tekist á um Orkuveituna í borgarráði

Minnihlutinn í borgarráði Reykjavíkur mótmælir harðlega þeirri tillögu að stjórnarformaður Orkuveitu Reykjavíkur verði gerður að starfandi stjórnarformanni og verði þannig hluti af launuðu stjórnendateymi fyrirtækisins. Gangi tillagan eftir fær stjórnarformaðurinn, Haraldur Flosi Tryggvason um 920 þúsund krónur í mánaðarlaun.

Mest lesið


Fleiri fréttir

Sjá meira


×

Mest lesið