Íhugar að kýla á klámbransann

Leikarinn Justin Long, sem hefur verið í haltu mér slepptu mér sambandi við leikkonuna Drew Barrymore undanfarið ár, hefur skyndilega fengið áhuga á að leikstýra eða leika í klámmynd.

Um þessar mundir kynnir Justin kvikmyndina Going the Distance sem segir frá pari í fjarbúð. Hann hefur mikinn áhuga á að kynna sér klámiðnaðinn að eigin sögn.

„Ég veit að þetta hljómar eins og brandari en ég hef verið að kynna mér framtíðarstörf innan klámbransans," sagði Justin spurður út í framtíðina.

„Jafnvel sem leikari, leikstjóri eða handritshöfundur. Kannski tekst ég bara á við klámið næsta árið."