Læknar Jacksons ekki sóttir til saka

Þeir sjö læknar sem meðhöndluðu popparann Michael Jackson á árunum fyrir dauða hans verða ekki sóttir til saka. Þetta er niðurstaða rannsóknar á vegum Kaliforníuríkis sem lögreglan í Los Angeles hafði óskað eftir. Einn þeirra þarf þó að svara ásökunum um að hafa ávísað lyfseðilsskyldum lyfjum á Jackson undir fölsku nafni.

Conrad Murray, einkalæknir popparans, var ekki yfirheyrður vegna rannsóknarinnar. Hann hefur neitað því að hafa óafvitandi valdið dauða hans. Hann er sakaður um að hafa gefið Jackson of stóran skammt af deyfilyfjum.