Lífið

Jón Gnarr hættir í Borgarleikhúsinu með sms

Jón Gnarr hætti sem hirðskáld Borgarleikhússins í gær. Hann bjóst þó við að klára leikritið sem hann er þegar byrjaður á.
Jón Gnarr hætti sem hirðskáld Borgarleikhússins í gær. Hann bjóst þó við að klára leikritið sem hann er þegar byrjaður á.

„Við höfum rætt óformlega saman, í sms-skeytasendingum. Ég býst nú við því að ég ljúki þessu frá og með deginum í dag [í gær]," segir Jón Gnarr. Hann hefur sagt starfi sínu sem hirðskáld Borgarleikhússins lausu eftir að hann var kjörinn í borgarstjórn, enda óeðlilegt að hann þiggi tvöföld laun frá Reykjavíkurborg.

Jón segir ákveðins misskilnings hafa gætt með hlutverk hirðskáldsins, margir hafi séð fyrir sér að í þessu starfi fælist sú krafa að skrifa leikrit. „Hugmyndin var hins vegar að hirðskáldið væri einhver sem hefði ekki tengst leikhúsi mikið en fengi að kynna sér starfsemina." Jón viðurkennir hins vegar að hann sé vel á veg kominn með leikrit og hann ætli sér að klára það.

Jón ætlar nú að fara af fullum krafti í borgarmálin en eins og komið hefur fram í fjölmiðlum standa nú yfir viðræður um meirihlutasamstarf milli Besta flokksins og Samfylkingarinnar en Besti flokkurinn gerir þá kröfu að Jón verði borgarstjóri. Sjálfur segir hann að reynsla sín úr einu fyrirtækja borgarinnar, Borgarleikhúsinu, muni nýtast honum vel í starfi.

„Það er rosalega skrítinn hugsunarháttur hjá fólki sem segir að við höfum ekki nægjanlega reynslu. Síðasta verkefnið sem ég gerði var að skrifa og framleiða eina vinsælustu kvikmynd Íslandssögunnar, það var verkefni sem krafðist alveg gríðarlegrar skipulagningar." Erlendir fjölmiðlar hafa jafnframt sýnt sigri Besta flokksins mikinn áhuga og Jón upplýsir að rússneska ríkissjónvarpið sé væntanlegt til að gera innslag um þennan sögulega viðburð í íslenskum stjórnmálum.- fgg


Tengdar fréttir

Jón Gnarr: Konur

Það er gott að hlæja. Maðurinn er eina dýrategundin á jörðinni sem hefur húmor. Simpansar hafa reyndar vott af húmor en hann er á frekar lágu plani; svokallaður kúk og piss húmor. Dýrin eru einfaldlega ekki nógu gáfuð til að hafa húmor. Þau hafa ekki tímaskyn og geta ekki hugsað abstrakt. Íslenska orðið yfir húmor er enda “kímnigáfa.”

Jón Gnarr þakkaði stuðningsmönnum sínum

„Ég hef alltaf haft það að leiðarljósi að reyna að gera eitthvað gott og uppbyggilegt með það sem ég hef verið að gera,“ sagði Jón Gnarr, oddviti Besta flokksins, þegar að hann ávarpaði stuðningsmenn sína á kosningavöku Besta flokksins í Iðusölum í kvöld.

Jón Gnarr gerir kröfu til borgarstjórastólsins

Jón Gnarr gerir kröfu til þess að verða borgarstjóri Reykjavíkur, nái Besti flokkurinn mestu fylgi í komandi kosningum á laugardag. Þetta kom fram í umræðuþætti á Skjá einum í kvöld þar sem oddvitar framboðanna í Reykjavík tókust á.

Dagur og Jón funda um samstarf í dag

Samfylkingin og Besti flokkurinn hófu í gær viðræður um myndun meirihluta um stjórn Reykjavíkur. Fulltrúar flokkanna munu hittast aftur í dag. Besti flokkurinn hafði í gærkvöldi ekkert formlegt samband haft við Sjálfstæðisflokkinn og engir fundir voru fyrirhugaðir á milli þeirra.

Kæri Reykvíkingur

Ég stofnaði Besta flokkinn vegna þess að ég var orðinn leiður á hegðun og framkomu stjórnmálamanna í borginni og langaði að gera athugasemd sem mark væri tekið á. Mig langaði að stríða þessu fólki, með því að draga upp afskræmda spegilmynd af því sjálfu. Ég var fyrir löngu orðinn þreyttur á að horfa uppá borgina mína drabbast niður af vanrækslu og skipulagsleysi. Ég var orðinn þreyttur á innantómum vaðli stjórnmálamanna, loforðum þeirra, valdabaráttu, yfirborðsmennsku og hroka. Þess vegna byrjaði ég á þessu og fékk til liðs við mig fólk sem ég þekki og treysti og vissi að var sammála mér. Viðbrögð kjósenda hafa svo sýnt okkur að við erum ekki ein um þessa skoðun. Fólk er bara búið að fá nóg. Sá mikli stuðningur sem framboðið hefur fengið kom mér töluvert á óvart og mér finnst það því skilda mín að útskýra mál mitt betur fyrir fólki og lýsa því yfir að ef það er vilji kjósenda þá erum við til í að gera okkar besta.

Hvað er eiginlega The Wire?

Jón Gnarr, formaður Besta flokksins, hefur sett það sem skilyrði að samstarfsmenn sínir í borgarstjórn hafi horft á sjónvarpsþáttaröðina The Wire. En hvers konar þættir eru þetta eiginlega?



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.