Aniston sveik vinkonu sína

Leikkonan Jennifer Aniston sást nýverið á stefnumóti með óþekktum manni, sem er nú sagður vera leikari að nafni Christopher Gartin. Gartin þessi er tveggja barna faðir og fyrrum eiginmaður vinkonu Aniston, Joanne Gartin, sem er einnig góð vinkona Courteney Cox. „Þetta vekur ekki áhuga minn. En það er satt, Jennifer hefur verið vinkona mín í yfir tíu ár. Við höfum þekkt hvor aðra lengi," sagði Joanne Gartin þegar hún var spurð út í samband Aniston og fyrrum eiginmanns síns.

Samkvæmt heimildarmanni er nokkur kuldi á milli Joanne og Aniston um þessar mundir, eins og gefur að skilja. Talsmaður Aniston hefur staðfest að leikkonan hafi hitt Christopher nokkrum sinnum og snætt með honum kvöldverð en neitaði að segja nokkuð um hvort þau væru par.