Ældi og kvaddi þar með Lisbeth Salander

Leikkonan Noomi Rapace, 30 ára, sem lék Lisbeth Salander, tölvuhakkarann í þríleik Stiegs Larsson, segir unglingsárin hafa verið hræðileg en hún flutti inn með þáverandi kærasta aðeins 14 ára gömul.

Fyrir hlutverkið létti leikkonan sig, klippti hárið, byrjaði að reykja og lét gata sig á hinum og þessum stöðum á líkamanum því hún vildi líkjast Lisbeth eins mikið og hún mögulega gat.

Noomi átti auðvelt með að tengja sig við karakterinn Lisbeth Salander sem var í stöðugri baráttu og var utangátta. Noomi segir margt líkt með sér og Lisbeth.

„Mér fannst ég aldrei vera hluti af neinu. Ég passaði aldrei inn í neinn hóp. Þegar ég var barn horfðu allir á Beverly Hills 90210 eða Baywatch og ég hugsaði með mér: Hvað í ósköpunum sjá þau í þessum þáttum? Mér var slétt sama og ég átti aðeins einn góðan vin. Í dag á ég fleiri vini en vanda valið gaumgæfilega. Ég eignaðist til dæmis fyrsta kærastann minn þegar ég var fjórtán," sagði Noomi.

„Sem barn var ég hræðileg. Ég vildi bara vera drukkin. Þegar haldin voru partí var ég ein af strákunum og þambaði viskí. Ég vildi drekka endalaust og reyndi stöðugt að ögra mér og umhverfinu. Ganga skrefinu lengra."

Noomi er stolt af því hvernig hún túlkaði Lisbeth en segir fjölskylduna sína ekki eins hamingjusama með breytingarnar sem fylgdu karakternum.

Eiginmaður Noomi, Ola Rapace, og 6 ára gamall sonur þeirra, Lev, áttu erfitt með að venjast því hvernig hún breyttist í Lisbeth Salander útlitslega og að ekki sé minnst á þegar Noomi var enn í karakter heima við.

Hún viðurkennir að hún átti það til að vera Lisbeth áfram þegar heim var komið eftir að tökum lauk en í dag eru allt orðið eðlilegt á ný.

„Lisbeth var inn í mér í eitt og hálf ár. Eftir lokasenuna í upptökum var opnuð kampavínsflaska og ég sem verð aldrei veik, afsakaði mig og rauk inn á klósett þar sem ég ældi. Ég gat ekki hætt að æla. Ég gubbaði í klukkutíma. Það var eins og líkaminn væri að losa sig við Lisbeth. Hljómar illa en ég kvaddi hana á því andartaki," sagði Noomi.