Solomon Kane mættur í bíó

Kvikmyndin Solomon Kane verður frumsýnd í Sambíóunum um helgina. Myndin er byggð á sögum eftir Robert E. Howard en hann er einmitt maðurinn á bak við Conan sem gerði Arnold Schwarzenegger heimsfrægan.

Solomon Kane segir frá leiguliða sem gengur erinda Bretlandsdrottningar á 17. öld. Djöfullinn birtist honum og gerir honum grein fyrir því að vegna voðaverka sinna muni hann brenna í helvíti. Kane ákveður að snúa frá villu síns vegar og gerist púritani en fortíðin er ekki lengi að banka upp á. Með aðalhlutverk fara þeir James Purefoy og Max von Sydow.

Hér er hægt að sjá sýnishorn úr myndinni.