Robyn leikur sjálfa sig í Gossip Girl

Sænska poppstjarnan Robyn Carlsson sem mun heiðra Íslendinga með nærveru sinni í næsta mánuði leikur lítið gestahlutverk í næstu seríu af vinsælu sjónvarpsþáttunum Gossip Girl.

Robyn leikur sjálfa sig þar sem hún kemur fram í afmælisveislu. Hún kveðst ekki fara með neinar setningar heldur sé hún meira að bregðast við því sem er að gerast í kringum hana. Robyn viðurkennir í samtali við MTV að hún þekki ekki mikið til þáttanna og hafi því ekki vitað almennilega hvað hún var að fara út í. Þetta hafi þó reynst góð og skemmtileg upplifun.