Viltu kaupa alvöru Supermanbúning?

Búningur sem Christopher Reeves heitinn klæddist við tökur á Superman myndunum verður boðinn upp í Las Vegas í júní. Fleira eigulegra muna verður falt á uppboðinu, eins og búningurinn sem Mel Gibson klæddist í Braveheart myndinni og sverðið sem hann notaði. Þá verða eyrnalokkarnir sem Kate Winslet bar í Titanic einnig til sölu.

Þetta eru samt ekki þeir munir sem hafa vakið hvað mesta athygli við uppboðið. Tímaritið Hello segir nefnilega að ellefu myndir af þokkagyðjunni Marilyn Monroe verði boðnar upp. Myndirnar hafa aldrei birst opinberlega áður. Þær voru teknar á meðan að Monroe var við tökur á myndinni Some Like It Hot.

Á myndunum sést Marilyn slaka á og baða sig í demöntum og hvítum loðfeldi. Á einni mynd sést hún á spjalli við Tony Curtis meðleikarann sinn.

Og þá er bara að bjóða!