Johnny Depp dekrar mig

Franska fyrirsætan og söngkonan Vanessa Paradis segir skó sem voru í eigu Marilyn Monroe eitt það dýrmætasta sem hún á þegar kemur að veraldlegum eigum.

Vanessa, sem hefur verið andlit Chanel vörumerkisins í rúm tuttugu ár elskar að klæða sig í merkjavöru samhliða notuðum flíkum.

Vanessa varð himinlifandi þegar eiginmaður hennar, leikarinn Johnny Depp, gaf henni skópar eftir Ferragamo sem Marilyn Monroe átti.

„Johnny dekrar mig. Hann keypti skóna hennar Marilyn handa mér því hún hefur haft djúp áhrif á mig í gegnum tíðina. Ég dýrka hana."

Vanessa og Johnny hafa verið kærustupar í 12 ár og eiga saman börnin Lily-Rose, 11 ára, og John Christopher, sem er kallaður Jack, 8 ára.

Síðan okkar á Facebook.