Britney reið

Söngkonan Britney Spears vildi taka upp lag með fyrrum kærasta sínum, söngvaranum Justin Timberlake, og brást hin versta við þegar hann neitaði bón hennar.

Timberlake var upptekinn við tökur á kvikmynd og gat því ekki tekið upp með Spears og samkvæmt tímaritinu Enquirer vildi enginn taka að sér að flytja söngkonunni fréttirnar. „Enginn vildi segja henni fréttirnar en að lokum tók faðir hennar sig til og sagði henni frá þessu. Britney brást mjög illa við, öskraði og blótaði. Hún var svo miður sín að hún var farin að rífa úr sér hárlengingarnar,“ var haft eftir heimildarmanni sem sagði föður hennar hafa skammast sín mjög fyrir hegðun hennar.