Kæra Seagal

Hasarleikarinn Steven Seagal hefur verið kærður fyrir kynferðislegt áreiti á vinnustað af fyrrum aðstoðarkonu sinni. Nú hafa tvær aðrar stúlkur bætst í hópinn og segja þær hafa orðið fyrir kynferðislegu áreiti á meðan þær unnu fyrir leikarann. Seagal á meðal annars að hafa gripið um brjóst annarar og sagst vera að þreifa á þeim líkt og læknir auk þess sem hann á að hafa boðið hinni að gista upp í hjá sér.

Lögfræðingur Seagal segir stúlkurnar aldrei hafa unnið hjá leikaranum og að fyrrnefnd atvik hafi aldrei átt sér stað.