Bannaður á Óskarnum

Hætt hefur verið við grínatriði sem Sacha Baron Cohen ætlaði að sýna á Óskarsverðlaunahátíðinni á sunnudagskvöld. Ástæðan er ótti við að leikstjórinn James Cameron móðgist.

Cohen ætlaði að mæta á sviðið og kynna verðlaun sem blá kvenkyns Avatar-vera og ætlaði Ben Stiller að þýða allt sem hann ætlaði að segja. Átti þá að koma í ljós að Avatar-veran ætti von á barni með Cameron, sem leikstýrði þessari vinsælu mynd. „Mér finnst hálf asnalegt að nota þetta orðalag en það kom upp listrænn ágreiningur," sagði Cohen.