Illa valið orð

Jennifer Aniston var gestur í sjónvarpsþættinum Regis & Kelly í vikunni til að kynna nýja kvikmynd sína, The Switch. Í viðtalinu varð leikkonunni á þegar hún sagðist hafa gaman af því að klæða sig í ýmis gervi eins og misþroska einstaklingur.

Annar þáttastjórnandinn spurði Aniston út í myndaþátt þar sem leikkonan var klædd til að líta út eins og söngkonan Barbara Steisand og var leikkonan helst til of fljót að svara: „Já, ég hef gaman af því að klæða mig í ýmis gervi. Ég hef lifibrauð mitt af því, eins og misþroska einstaklingur.“ Leikkonan hefur sætt mikilli gagnrýni fyrir orð sín og hafa ýmis hagsmunasamtök krafist opinberrar afsökunarbeiðni frá Aniston.