Gwen langar í barn

Söngkonan Gwen Stefani hefur viðurkennt að hana langi að fjölga mannkyninu enn frekar Fyrir á söngkonan tvo syni, Kingston fjögurra ára og Zuma tveggja ára, með eiginmanni sínum Gavin Rossdale og nú vill hún bæta einu barni við áður en það er um seinan.

Þrátt fyrir að vilja annað barn með eiginmanni sínum hefur söngkonan ekki farið leynt með reiði sína í garð Rossdale í nýju lögunum sínum. En mörg lög hennar snúast um hversu mikil asni Rossdale er.

Söngkonan hefur notað tónlist sína til að losa sig við reiði eftir að sóðadrósin Courtney Love sagði frá því að hún hefði átt í ástarsambandi við Rossdale bæði áður og stuttu eftir að hann og Gwen gengu í hjónaband.

„Gwen var brjáluð yfir því að Courtney skyldi blaðra svona um samband sitt og Rossdales,“ sagði heimildarmaður. „Gwen vissi að þau höfðu verið saman en ekki rétt fyrir brúðkaupið. Í sumum laganna kallar hún hann svikara!“