Kominn með nýja

Mótorhjólaframleiðandinn Jesse James, sem er hvað þekktastur fyrir að vera fyrrverandi eiginmaður leikkonunnar Söndru Bullock, er kominn með nýja dömu. Það mun vera húðflúrsdrottningin Kat von D en hún er fræg í Bandaríkjunum og víðar fyrir þátttöku sína í raunveruleikaþáttunum Miami Ink og LA Ink.

Miklar sögusagnir hafa verið í fjölmiðlum vestanhafs um meint samband þeirra en daman lagði fréttirnar út á Twitter-síðuna sína fyrr í vikunni. Jesse James varð aðalskúrkur Ameríku þegar upp komst að hann hefði haldið fram hjá Bullock stuttu eftir að hún fékk Óskarsverðlaun.