Peaches í vandræðum

Peaches Geldof, vandræðabarn hungurpopparans Bobs Geldof, er enn og aftur búin að koma sér á forsíður bresku slúðurpressunnar. Að þessu sinni eru það nektarmyndir sem lekið var á Netið í gær. Þær sýna Peaches í erótískum stellingum, heldur fáklædda. Umræddur einstaklingur hélt því fram að hann hefði átt stundargaman með Peaches á hótelherbergi og á meðan hefði hún neytt heróíns.

Fjölmiðlafulltrúar Geldof-fjölskyldunnar voru ekki lengi að vísa eiturlyfjasögunum á bug en þeir staðfestu að myndirnar væru af Peaches, þær hefðu hins vegar verið teknar til einkabrúks. „Allt annað eru bara hugarórar þess sem sendi myndirnar,“ segir í yfirlýsingu sem barst breska blaðinu The Daily Mail.