Kristján: Við áttum öll þrjú stigin skilin

Kristján Guðmundsson þjálfari Keflavíkur var ósáttur með að hafa bara fengið eitt stig í leiknum út úr leiknum á móti Val í kvöld.

„Við teljum okkur hafa átt öll stigin skilið hér í kvöld þrátt fyrir daprann fyrri hálfleik þar sem við erum eins og hauslausar hænur og margir leikmenn að spila undir getu," sagði Kristján.

Kristján setur miklar kröfur á sitt lið: „Við erum kannski að fá hættulegar sóknir en við viljum sjá meira skapast fram á við og nýta færin betur og það gerðum við því miður ekki í kvöld."

Kristján sá nokkra jákvæða punkta í leiknum. „Við vinnum seinni hálfleikinn eitt núll og spilum þá mun betur og við byggjum áfram á því. Ef við hefðum unnið seinni tvö núll hefðum við unnið leikinn. Við unnum seinni hálfleikinn og tökum það með okkur."