Innlent

Viðbrögð ríkisstjórnarinnar vonbrigði - mjög mikið eftir

Stöðugleikasáttmálinn var undirritaður í júní sl.
Stöðugleikasáttmálinn var undirritaður í júní sl. Mynd/Stefán Karlsson
„Við fengum ný drög til baka en við erum ekki að komast áfram. Þannig við erum að klóra okkur í kollinum hvað við gerum," segir Vilhjálmur Egilsson, framkvæmdastjóri Samtaka atvinnulífsins. Fulltrúar SA og Alþýðusambandsins hafa fundað um stöðugleikasáttmálann í kvöld og beðið eftir viðbrögðum frá ríkisstjórninni. Tillögur ríkisstjórnarinnar bárust fyrir skömmu en Vilhjálmur vildi ekki tjá um einstök efnisatriði.

Mikil óvissa ríkir um framtíð stöðugleikasáttmálans og ekki útilokað að kjarasamningum verði sagt upp á morgun. Ríkisstjórnin lagði fram tillögur sínar í dag sem fulltrúar Alþýðusambandsins og Samtaka atvinnulífsins svöruðu fyrr í kvöld.

„Það er mjög mikið eftir. Þetta mjakast áfram en hreyfist mun hægar en það þyrfti að gera," segir Vilhjálmur. Hann á von á því að fulltrúar ASÍ og SA fundi fram yfir miðnætti og að stjórn Samtaka atvinnulífsins komi síðan saman í hádeginu á morgun.


Tengdar fréttir

Telur verkalýðshreyfinguna hafa gert mistök

Vilhjálmur Birgisson, formaður Verkalýðsfélags Akraness, telur forystu verkalýðshreyfingarinnar hafa gert mikil mistök þegar ákveðið var að fresta launahækkunum í mars. Þá er hann afar ósáttur með aðkomu verkalýðshreyfingarinnar að gerð stöðugleikasáttmálans sem skrifað var undir í júní. „Hvað hefur komið út úr þessum stöðugleikasáttmála annað heldur en að launafólk hefur verið þvingað til að afsala sér sínum launahækkunum,“ sagði Vilhjálmur í Kastljósi í kvöld.

Mikil óvissa um stöðugleikasáttmálann

Mikil óvissa ríkir um framtíð stöðugleikasáttmálans og ekki útilokað að kjarasamningum verði sagt upp á morgun. Aðilar vinnumarkaðarins eru óánægðir með svör ríkisstjórnarinnar eftir fundarhöld helgarinnar.

Bíða eftir viðbrögðum frá ríkisstjórninni

Vilhjálmur Egilsson, framkvæmdastjóri Samtaka atvinnulífins, segir að aðilar vinnumarkaðarins bíði nú eftir viðbrögðum frá ríkisstjórninni. Hann á von á því að staða mála skýrist frekar síðar í kvöld.

Skattaáform ríkisstjórnarinnar harðlega gagnrýnd

Engin sátt er í augsýni í deilu aðila vinnumarkaðarins og stjórnvalda vegna stöðugleikasáttmálans. Skattaáform ríkisstjórnarinnar eru harðlega gagnrýnd en ASÍ vill að persónuafsláttur verði hækkaður um tæpar 7 þúsund krónur.

Aðilar vinnumarkaðarins funda

Aðilar vinnumarkaðarins funduðu fyrr í dag um stöðugleikasáttmálann og verður fundarhöldum fram haldið í kvöld, að sögn Ingibjargar R. Guðmundsdóttur varaforseta ASI. Hún vill ekki tjá sig um gang viðræðnanna og segir að staðan muni skýrist næsta sólarhring.

Stöðugleikasáttmáli gæti verið úr sögunni

Margt þarf að koma til svo að friður haldist á vinnumarkaði. Á þriðjudag tekur stjórn Samtaka atvinnulífsins ákvörðun um hvort kjarasamningar verða framlengdir.

Hafa fengið yfirlýsingu stjórnvalda

Aðilar vinnumarkaðarins hafa fengið í hendurnar yfirlýsingu stjórnvalda varðandi stöðugleikasáttmálann, sem stjórnvöld lofuðu þeim eftir fund þeirra í gær. Ef að stöðugleikasáttmálinn heldur ekki munu kjarasamningar renna út á morgun og upplausn myndast á vinnumarkaði. Gert er ráð fyrir því að ASÍ og Samtök atvinnulífsins muni funda vegna málsins seinna í dag.

Mest lesið


Fleiri fréttir

Sjá meira


×

Mest lesið