Umfjöllun: Sanngjarnt jafntefli í fjörugum leik

Eyjamenn tóku á móti Keflavík í blíðunni í Vestmannaeyjum í kvöld. Leikurinn var frábær skemmtun í alla staði en endaði með sanngjörnu jafntefli 2-2.

Leikurinn byrjaði af miklum krafti og keflvíkingar komust yfir á tíundu mínútu með marki frá Hauk Inga Guðnasyni. Magnús Sverrir Þorsteinsson átti gott hlaup upp kantinn, sendi fyrir beint á kollinn á Magnúsi Matthíassyni sem skallaði fyrir á Hauk Inga Guðnason sem skorað í opið markið. Góð sókn hjá Keflvíkingum.

Haukur Ingi var aftur á ferðinni átta mínútum síðar þegar hann skoraði sitt annar mark í leiknum. Haukur stal boltanum lúmskt af Matt Garner rétt fyrir utan teig ÍBV, skeiðaði inn í teig og skoraði framhjá markverði ÍBV. Frábærlega gert hjá Hauk Inga sem var afar líflegur í sóknarleik keflavíkur.

Eyjamenn neituðu þó að gefast upp og jöfnuðu leikinn á þriggja mínútna kafla. Fyrra markið skoraði Eiður Aron Sigurbjörnsson með skalla eftir hornspyrnu frá Chris Clements.

Jöfnunarmarkið kom síðan tveimur mínútum síðar. Matt Garner tók aukaspyrnu utan af kanti og spyrnti boltanum inn á teig. Þar reis Andri Ólafsson hæst allra og fleytti boltanum af höfðinu í netið. Staðan orðin jöfn og keflvíkingar vissu ekki hvaðan á þá stóð veðrið.

Seinni hálfleikurinn var ekki jafn skemmtilegur og sá fyrri, leikur liðanna einkenndist af mikilli baráttu in á vellinum. Tæklingar flugu og það var bara tímaspursmál hvenær einhver fengi að fjúka útaf.

Á 70. Mínútu gerðist það, Viðar Örn Kjartansson fékk að líta sitt annað gula spjald fyrir mótmæli eftir að Bjarni Hólm virtist brjóta á honum þegar hann var við það að komast einn í gegn. Kristinn Jakobsson dæmdi ekkert og við það hófust mikil mótmæli heimamanna.

Eyjamenn, einum færri, sóttu þó stíft það sem eftir lifði leiks en náðu ekki að klára færin og leikurinn endaði því með sanngjörnu jafntefli 2-2.

Tölfræðin:

ÍBV-Keflavík 2-2

0-1 (Haukur Ingi Guðnason, 10)

0-2 (Haukur Ingi Guðnason, 18)

1-2 (Eiður Aron Sigurbjörnsson,26)

2-2 (Andri Ólafsson,27)

Rautt spjald: Viðar Örn Kjartansson, ÍBV (71.)

Hásteinsvöllur, Vestmannaeyjar. Áhorfendur: 646

Dómari: Kristinn Jakobsson 7

Skot (á mark): 15-13 (6-7)

Varin skot: Fannar 5 - Lasse 6

Horn: 6-5

Aukaspyrnur fengnar: 16-19

Rangstöður: 2-4

ÍBV (5-4-1)

Elías Fannar Stefnisson 5

Pétur Runólfsson 5

Andrew Mwesigwa 4

Eiður Sigurbjörnsson 6

Matt Garner 6

*Ajay Smith 7 - Maður leiksins

Tonny Mawejje 7

Andri Ólafsson 6

Chris Clements 6

Augustine Nsumba 5

(75., Gauti Þorvarðarson -)

Viðar Örn Kjartansson 3

Keflavík (4-4-2)

Lasse Jörgensen 6

Alen Sutej 5

Guðjón Árni Antóníusson 5

(69., Tómas Karl Kjartansson 5)

Haukur Ingi Guðnason 7

Jón Gunnar Eysteinsson 6

Magnús Sverrir Þorsteinsson 5

(69., Jóhann Birnir Guðmundsson 5)

Einar Orri Einarsson 6

Brynjar Guðmundsson 6

Magnús Þórir Matthíasson 6

(55., Stefán Örn Arnarson 4)

Bjarni Hólm Aðalsteinsson 6

Hörður Sveinsson 6