Liverpool orðað við Amorebieta

Knattspyrnustjórinn Rafa Benitez hjá Liverpool er ekki búinn að gefa upp alla von um að fá nýja varnarmann til Liverpool áður en félagsskiptaglugginn lokar og eftir að 6 milljón punda kauptilboði í Michael Turner hjá Hull var hafnað er Fernando Amorebieta hjá Atletico Bilbao sagður næstur á blaði.

Liverpool var með njósnara á leik Bilbao gegn Barcelona um helgina til þess að fylgjast með hinum 24 ára gamla Amorebieta en Benitez gæti þurft að punga út 10 milljónum punda til þess að tryggja sér þjónustu leikmannsins ef marka má enska og spænska fjölmiðla.

Þá hefur varnarmaðurinn Mikel San Jose verið lánaður frá Liverpool til Bilbao og ekki útilokað að lánssamningur hans sé hluti af fyrirhuguðum félagsskiptum Amorebieta.