Osama þráir Whitney Houston

Lítið hefur heyrst af hryðjuverkamanninum Osama bin Laden enda hafa engin ný myndbönd af honum þusandi í helli birst upp á síðkastið. Nú berast óvæntar fréttir af Osama því í ævisögu sinni segir Kola Boof að hann sé sjúklega ástfanginn af Whitney Houston. Koof, sem er skáldkona frá Súdan og segist hafa verið kynlífsþræll Osama, lýsir í ævisögu sinni hvernig ástsýki Osama lýsir sér.

„Hann sagði að Whitney væri fallegasta kona heims og að hann þráði hana ótakmarkað jafnvel þótt tónlist hennar væri af hinu illa," skrifar Koof í bókinni. Osama var tilbúinn til að brjóta „lita-regluna" og gera Whitney að einni af eiginkonum sínum og þar að auki talaði hann fjálglega um það að láta myrða Bobby Brown, hinn vafasama eiginmann Whitney. Koof segir að svo rammt hafi kveðið að aðdáun Osama að hún hafi verið búin að fá algjört ógeð á nafni Whitney Houston. „Ég fann óteljandi myndir af henni í skjalatöskunni hans innan um Playboy-blöð," skrifar Koof.