Eiður enn orðaður við West Ham

Eiður Smári Guðjohnsen, leikmaður Barcelona, er í dag enn á ný orðaður við West Ham í enskum fjölmiðlum.

Breska blaðið The Guardian greinir frá því í dag að Gianfranco Zola, knattspyrnustjóri West Ham, vilji fá Eið Smára og Luca Toni frá Bayern München til félagsins.

Til greina komi að fá báða leikmenn að láni frá félögunum en Eiður Smári á eitt ár eftir af núverandi samningi sínum við Barcelona.

Því er haldið fram í greininni að Eiður hafi átt í viðræðum við forráðamenn West Ham undanfarnar vikur en að ýmis persónubundin mál kunni að hafa áhrif á framtíðaráætlanir hans.