Hafnarboltapeningar Hicks ekki notaðir fyrir Liverpool

Enska úrvalsdeildarfélagið Liverpool þurfti að fresta framkvæmdum sínum við byggingu á nýjum leikvangi við Stanley Park þegar kreppan skall á en sá leikvangur mun rýma talsvert fleiri áhorfendur en Anfield leikvangurinn gerir nú.

Tom Hicks, annar eiganda Liverpool, hefur ennfremur staðfest að peningar fyrir fyrirhugaða sölu hans á hafnarboltafélaginu Texas Rangers verði ekki notaðir í Stanley Park verkefnið né með einum eða öðrum hætti sem innspýting inn í rekstur Liverpool. Talið er að Hicks fái um 450 milljónir punda fyrir söluna á Texas Rangers.

„Rangers og Liverpool eru tvær ólíkar og ótengdar fjárfestingar. Peningurinn fyrir Rangers mun því ekki fara beinustu leið til Liverpool. Framkvæmdir við byggingu við Stanley Park munu ekki fara af stað strax. Við erum hins vegar með öll leyfi í höndunum til að hefjast handa og munum gera það þegar fjármálamarkaðurinn leyfir," segir Hicks í samtali við Liverpool Daily Post.