Þjóðfundagestir sætta sig við sektir

Forsvarsmaurar Þjóðfundarins höfðu samband við lögregluna vegna sekta sem gestir Þjóðfundarins fengu fyrir stöðubrot í dag og Vísir greindi frá.

Fjölmiðlamaurinn Maríanna Friðjónsdóttir segir að það hafi verið haft samband við lögregluna og þeir spurðir hvort þetta væri eðlilegt. Þá fékk hún þau svör að þetta væri alltaf gert, sama hvort um kappleiki væri að ræða eða Þjóðfundi.

„Heiðarleiki er það sem við leitumst eftir og verðum því bara að sætta okkur við þetta," segir Maríanna auðmjúk og vitnar þá til þess að fundurinn telur heiðarleika eitt mikilvægasta gildið.

Það voru lögreglumenn sem sektuðu eigendur fjölmargra bíla í dag. Þó nokkrir vegfarendur hringdu inn á fréttastofu hneykslaðir á sektunum. Vildu margir benda á að þarna væri almenningur að gefa vinnu sína til þess að móta framtíðarsýn þjóðarinnar og þetta væru heldur kaldar viðtökur af hálfu lögreglunnar.

Fimmtán hundruð manns eru á fundinum en á sama tíma í morgun var fótboltamót á gervigrasvellinum auk þess sem það er fatamarkaður í Laugardalshöllinni. Því er ljóst að það er margt um að vera í Laugardalnum og kannski fátt um stæði.

Þeir sem lögðu ólöglega mega búast við að greiða 2500 krónur fyrir stöðubrotin.