Zaki biðst afsökunar

Forráðamenn Wigan í ensku úrvalsdeildinni hafa staðfest að framherjinn Amr Zaki hafi beðist afsökunar á að mæta tveimur dögum of seint í herbúðir liðsins eftir landsleikjahlé.

Hinn 26 ára gamli Zaki sneri aftur til Wigan á fimmtudaginn, 48 tímum eftir að hann hafði lofað að koma til baka eftir að hafa verið á keppnisferðalagi með Egyptum.

Steve Bruce ærðist þegar hann frétti af seinkomu leikmannsins, sektaði hann um metfé og kallaði hann mesta viðvaning sem hann hefði unnið með á ferlinum.

Zaki hefur gert lítið úr atvikinu og segir forráðamenn Wigan hafa tekið vel í útskýringar sínar á seinkomunni, en Wigan-menn segja að framherjinn verði að leggja sig allan fram til að vinna sig í náðina á ný.

Zaki sló í gegn þegar hann kom inn í úrvalsdeildina á sínum tíma og skoraði sjö mörk í átta leikjum, en síðan hefur hann ekki skorað mark nema úr vítum síðan þann 18. október.