Umfjöllun: Niðurlæging á Hlíðarenda

Valsmenn máttu þola eina mestu niðurlægingu félagsins í háa herrans tíð þegar Íslandsmeistarar FH komu á Vodafonevöllinn og gerðu grín að heimamönnum.

FH-ingar voru mörgum klössum betri allan leikinn og unnu sanngjarnan 0-5 sigur á arfaslökum og ótrúlega andlausum Valsmönnum.

Þorgrímur gerði fjórar breytingar fyrir leikinn og þær virkuðu engan veginn. Má hugsanlega setja spurningamerki við svo miklar breytingar fyrir þennan leik en þeir sem fóru á bekkinn áttu það eflaust skilið eftir afhroðið í síðasta leik í Garðabænum.

Það tók FH-inga aðeins 23 mínútur að afgreiða leikinn en þá skoruðu þeir þrjú mörk. Þeir sundurspiluðu Valsmenn hvað eftir annað og það var hrein unun að fylgjast með sóknarleik liðsins.

Atlarnir báðir ótrúlega flottir og Tryggvi einnig skæður í holunni fyrir aftan Atla Viðar. Valsmenn réðu ekkert við þessa þrjá leikmenn.

Lið Vals var eins og dapurt 2. deildarlið í fyrri hálfleik. Elti út um allan völl og var ekki nálægt því að ná boltanum. Liðið fékk varla boltann og var fyrir aftan miðju nánast allan hálfleikinn. Sú staðreynd að liðið náði varla að byggja upp sókn í hálfleiknum er ótrúleg.

Það er eitthvað stórkostlega mikið að í herbúðum liðsins og hefur augljóslega verið það í einhvern tíma. Andleysið er með ólíkindum, samstaðan lítil og nú virðist sjálfstraustið vera farið líka. Leikmenn liðsins eiga samt að gera betur og það er algjört lágmark að þeir leggi sig meira fram og séu grimmari en þeir voru í kvöld.

FH-liðið þessa dagana er líklega það besta í íslenska boltanum í mörg ár. Liðið spilar sóknarleik sem varla hefur sést hér áður. Miðjan ótrúlega massíf og öryggið í vörninni er einstakt. Það er ekki veikan blett að finna í þessu FH-liði.

Heimir Guðjónsson tók við góðu búi en hann hefur ræktað sinn garð vel og undir hans stjórn vex þetta FH-lið með hverri raun. Hann er heldur betur búinn að sýna þvílíkur gæðaþjálfari hann er.

Valur-FH 0-5

0-1 Tryggvi Guðmundsson (6.)

0-2 Atli Viðar Björnsson (14.)

0-3 Ásgeir Gunnar Ásgeirsson (23.)

0-4 Tryggvi Guðmundsson, víti (60.)

0-5 Davíð Þór Viðarsson (90.)

Áhorfendur: 1.224

Dómari: Garðar Örn Hinriksson 7.

Skot (á mark): 11-18 (5-12)

Varin skot: Haraldur 7 - Daði 4

Horn: 6-7

Aukaspyrnur fengnar: 13-16

Rangstöður: 2-2

Valur (4-4-2)

Haraldur Björnsson 3

Reynir Leósson 3

Atli Sveinn Þórarinsson 4

Guðmundur Viðar Mete 3

(46., Baldur Ingimar Aðalsteinsson 6)

Steinþór Gíslason 2

Ólafur Páll Snorrason 4

(65., Viktor Unnar Illugason 5)

Sigurbjörn Örn Hreiðarsson 2

Einar Marteinsson 2

Bjarni Ólafur Eiríksson 3

Guðmundur Steinn Hafsteinsson 3

(84., Ian Jeffs -)

Marel Jóhann Baldvinsson 3

FH (4-3-3)

Daði Lárusson 7

Freyr Bjarnason 6

Tommy Nielsen 6

(78., Sverrir Garðarsson -)

Pétur Viðarsson 7

Guðmundur Sævarsson 7

Davíð Þór Viðarsson 7

Ásgeir Gunnar Ásgeirsson 7

(82., Hákon Atli Hallfreðsson -)

Matthías Vilhjálmsson 6

Atli Guðnason 8 - Maður leiksins

Tryggvi Guðmundsson 8

(73., Matthías Guðmundsson -)

Atli Viðar Björnsson 8

Smelltu hér til að opna Boltavaktina og lesa lýsingu leiksins: Valur - FH.

Þá er einnig hægt að nálgast Boltavaktina í Vodafone Live! farsímaþjónustunni.