Benitez: Hefðum átt að skora fleiri mörk

Rafa Benitez, stjóri Liverpool, var nokkuð ánægður með 4-0 sinna manna á Blackburn í úrvalsdeildinni í dag.

Liverpool steinlá gegn Chelsea í Meistaradeildinni í vikunni og þurfti því nauðsynlega á góðum sigri að halda til að halda dampi í deildinni. Ekki stóð á svari þeirra rauðklæddu, sem voru ekki nema fimm mínútur að komast á blað gegn framherjalausum Blackburn-mönnum.

"Þetta var ágæt endurkoma. Við urðum að spila vel og skora mörk. Við skoruðum úr föstum leikatriðum og fengum ekki á okkur mark gegn liði sem er sterkt í loftinu. Það er jákvætt," sagði Benitez.

"Við fengum tvö eða þrjú mjög góð færi í fyrri hálfleiknum og annað eins í þeim síðari, svo við hefðum átt að skora fleiri mörk þó við höfum sett fjögur," sagði Benitez.

"Ég held að þetta hafi gert mínum mönnum gott, því við þurftum á því að halda að spila vel. Það var líka gott að geta leyft sér að hvíla Steven Gerrard," sagði Benitez í samtali við Sky.