Sakar stjórnarandstöðuna um upplýsingaleka á Facebook

Hrannar B. Arnarsson, aðstoðarmaður forsætisráðherra, sakar á Facebook-síðu sinni stjórnarandstöðuna um að leka upplýsingum um viðbrögð Breta og Hollendinga við fyrirvörum Alþingis vegna ríkisábyrgðarinnar vegna Icesave. Ragnheiður Elín Árnadóttir, þingmaður Sjálfstæðisflokksins, er ósátt með ásökunina og svarar aðstoðarmanninum fullum hálsi.

Hrannar segir á síðunni að hann sjái ekki sjá betur en að trúnaðarsamtöl og upplýsingagjöf til stjórnarandstöðunnar virki með svipuðum hætti og að senda út fréttatilkynningu.

„Þetta er aumt Hrannar," segir Ragnheiður Elín í svari á Facebook-síðu Hrannars. „Stjórnarandstaðan var ekki búin á fundi með forsvarsmönnum ríkisstjórnarinnar þegar "trúnaðarupplýsingarnar" voru komnar í fréttir."