Umfjöllun: Stjarnan skein skært á Valbjarnarvelli

Það var hvöss suðvestan átt sem heilsaði leikmönnum Þróttar og Stjörnunnar sem mættust á Valbjarnarvelli í kvöld í Pepsideild karla. Þróttarar ákváðu að byrja með vindinn í bakið og lék vindurinn nokkuð hlutverk fyrstu mínútur leiksins.

Lítið var um færi og stefndi í leiðindabarning. Það gerðist því lítið markvert þar til á tuttugustu mínútu þegar Stjörnumenn fengu innkast fyrir miðjum vallarhelmingi Þróttar, vinstra megin. Steinþór Freyr Þorsteinsson tók þá flikk innkast að hætti Ástu Árnadóttur landsliðskonu í knattspyrnu. Innkastið fór óhindrað í gegnum vörn Þróttara að fjærstöng þar sem Jóhann Laxdal var á auðum sjó og stangaði boltann í netið. Stjarnan komin 0-1 yfir eftir rólega byrjun.

Eftir að hafa skorað fyrsta markið settu Stjörnumenn í fluggírinn og sóttu látlaust að marki Þróttara. Þorvaldur Árnason komst nálægt því að skora á tuttugustu og þriðju mínútu eftir klaufagang í vörn Þróttar en varnarmenn Þróttar náðu þó að bjarga á línu.

Á 28. mínútu bættu Stjörnumenn við öðru marki. Halldór Orri Björnsson lék þá á varnarmenn Þróttar og skoraði með lágu skoti, óverjandi fyrir Henryk Boedker.

Þróttarar voru gjörsamlega heillum horfnir það sem eftir lifði hálfleiks og átti Halldór Orri skot yfir mark Þróttara á 39. mínútu. Á 45. mínútu fékk Steinþór Freyr Þorsteinsson sendingu inn fyrir vörn Þróttar og lyfti boltanum glæsilega yfir Henryk Boedker sem kom hlaupandi út á móti. Stjörnumenn gengu því glaðbeittir til búninsherbergis í hálfleik.

Í síðari hálfleik komu Þróttarar eilítið beittari til leiks. Stjörnumenn fengu þó gott færi þegar Halldór Orri Björnsson lék á varnarmenn Þróttar en skot hans fór rétt framhjá.

Þróttarar sóttu þónokkuð og skoraði Hjörtur Júlíus Hjartarsson mark á 56. mínútu sem var dæmt af vegna rangstöðu. Sú ákvörðun virtist vera rétt hjá línuverði. Stuttu síðar átti Skúli Jónsson skalla yfir mark Stjörnumanna eftir hornspyrnu frá Rafni Andra Haraldssyni.

Á 64. mínútu gerði Bjarni Jóhannsson skiptingu þegar hann tók Jóhann Laxdal útaf fyrir Arnar Má Björgvinsson. Það reyndist frábær ákvörðun hjá Bjarna því það tók Arnar ekki nema þrjár mínútur að skora mark og koma Stjörnunni í 0-4. Boltinn barst þá til Arnars eftir klafs í teignum í kjölfar flikk-innkasts Steinþórs Freys.

Stjörnumenn sóttu það sem eftir lifði leiks og varði Henryk Boedker markvörður Þróttara nokkrum sinnum vel. Á 82. mínútu gerði Bjarni Jóhannsson enn eina ofurskiptinguna þegar hann tók Þorvald Árnason útaf fyrir Magnús Björgvinsson.

Það tók Magnús ekki nema fjórar mínútur að skora eftir að hann hafði fengið stungusendingu inn fyrir vörn Þróttar. Þegar komið var eina mínútu fram yfir venjulegan leiktíma bætti Arnar Már Björgvinsson við sínu öðru marki og niðurlægin Þróttara því alger.

Frábær leikur hjá Stjörnunni en hinsvegar er ljóst að Gunnar Oddsson þarf að leita lausna á vanda Þróttaraliðsins. Stjörnumenn eru á toppnum að tveimur leikjum loknum með fullt hús stiga en Þróttur situr á botni deildarinnar án stiga.

Þróttur -Stjarnan 0-6

0-1 Jóhann Laxdal (20.)

0-2 Halldór Orri Björnsson (28.)

0-3 Steinþór Freyr Þorsteinsson (45.)

0-4 Arnar Már Björgvinsson (67.)

0-5 Magnús Björgvinsson (86.)

0-6 Arnar Már Björgvinsson (91.)

Valbjarnarvöllur. Áhorfendur: 681

Dómari: Þorvaldur Árnason (7)

Skot (á mark): 4-12 (3-10)

Varin skot: Henryk 4 - Bjarni 2

Horn: 5-5

Aukaspyrnur fengnar: 12-8

Rangstöður: 3-0

Þróttur (4-5-1)

Henryk Boedker 5

Kristján Ómar Björnsson 3

Dennis Danry 4

Þórður Hreiðarsson 4

Birkir Pálsson 3

Andrés Vilhjálmsson 4

(61. Davíð Þór Rúnarsson 4)

Haukur Páll Sigurðsson 3

Hallur Hallsson 3

Rafn Andri Haraldsson 4

Skúli Jónsson 3

(61. Morten Smidt 3)

Hjörtur Hjartarson 4

(72. Trausti Eiríksson -)

Stjarnan (4-5-1)

Bjarni Þórður Halldórsson 6

Guðni Rúnar Helgason 6

Tryggvi Sveinn Bjarnason 6

Daníel Laxdal 6

Hafsteinn Rúnar Helgason 6

Jóhann Laxdal 6

(64. Arnar Már Björgvinsson 7)

Steinþór Freyr Þorsteinsson 8 - maður leiksins

Björn Pálsson 6

Birgir Hrafn Birgisson 7

Halldór Orri Björnsson 7

Þorvaldur Árnason 6

(82. Magnús Björgvinsson -)