Ferreira á batavegi

Paulo Ferreira, leikmaður Chelsea, er nálægt því að ná fyrri styrk eftir langvarandi meiðsli. Hann hefur að undanförnu getað æft með liði sínu.

Ferreira sleit krossband í hné í apríl síðastliðnum og hefur vitanlega ekkert getað spilað síðan þá.

„Mér líður vel. Ég er rétt að fara af stað núna og því þarf að bíða og sjá hvernig hnéð bregst við áreiti. Þetta er bara tímaspursmál," sagði hann á heimasíðu Chelsea.

„Á næstu vikum gæti verið að ég spili með varaliðinu en hingað til hefur allt gengið vel og ég finn ekki fyrir neinum sársauka."