Breiðablik, Fjölnir og Stjarnan fá leyfi til að ræða við Ólaf Pál

Ólafur Páll Snorrason er að öllum líkindum á leið frá Val. Breiðablik, Fjölnir og Stjarnan hafa öll fengið leyfi frá Hlíðarendaliðinu til að ræða við leikmanninn.

Ólafur Páll er uppalinn hjá Fjölni og lék með liðinu í fyrra. Hann þekkir líka til hjá Stjörnunni en hann lék með Garðabæjarliðinu sumarið 2002. Þá hefur 1. deildarlið ÍA víst einnig áhuga á honum.

Samkvæmt heimildum Vísis þá er það ákvörðun Valsmanna að láta Ólaf Pál fara en þeir telja hann ekki hafa staðið undir þeim væntingum sem til hans voru gerðar.