Þrír fyrirliðar í Pepsi-deildinni í banni í næsta leik

Þrír fyrirliðar eru meðal þeirra fjórtán leikmanna úr Pepsi-deild karla sem voru úrskurðaðir í leikbann á fundi aganefndar KSÍ í dag. Þetta eru þeir Davíð Þór Viðarsson, fyrirliði FH, Orri Freyr Hjaltalín, fyrirliði Grindavíkur og Daníel Laxdal, fyrirliði Stjörnunnar.

Blikar missa flesta leikmenn í bann en þrír leikmenn Breiðabliks verða í leikbanni í næsta leik. FH, Grindavík, Valur og Þróttur missa öll tvo leikmenn í bann.

Hallur Hallsson úr Þrótti og Orri Freyr eru að fara í bann vegna sex gulra spjalda en Árni Kristinn Gunnarsson úr Breiðabliki og Daníel fóru í bann vegna rauð spjalds í síðasta leik. Aðrir eru fara í bann vegna fjögurra gulra spjalda.

Leikmenn úr Pepsi-deild sem voru dæmdir í bann

Alfreð Finnbogason, Breiðablik

Árni Kristinn Gunnarsson, Breiðablik

Guðmann Þórisson, Breiðablik

Alexander Toft Söderlund, FH

Davíð Þór Viðarsson, FH

Orri Freyr Hjaltalín, Grindavík

Óli Baldur Bjarnason, Grindavík

Christopher Clements ÍBV

Atli Jóhannsson, KR

Daníel Laxdal, Stjarnan

Atli Sveinn Þórarinsson, Valur

Sigurbjörn Hreiðarsson,Valur

Hallur Hallsson Þróttur R.

Rafn Andri Haraldsson Þróttur R.