Benitez hefur mikla trú á Aquilani

Rafa Benitez segir að stuðningsmenn Liverpool þurfi engar áhyggjur að hafa af því að Alberto Aquilani muni ekki reynast þeirra peninga virði sem félagið greiddi fyrir hann.

Liverpool keypti Aquilani frá Roma á Ítalíu fyrir fimmtán milljónir punda í sumar en hann er nú frá vegna ökklameiðsla.

Aquilani hefur reyndar lítið getað spilað síðastliðin tvö tímabil vegna þrálátra meiðsla en Benitez hefur litlar áhyggjur af því.

„Aquilani myndi venjulega kosta á milli 25 og 30 milljónum punda en vegna aðgerðarinnar á ökklanum var hann aðeins ódýrari," sagði Benitez í samtali við enska fjölmiðla.

„Við þurfum að bíða í nokkra mánuði þar til hann verður orðinn leikfær en við sömdum við hann til næstu fimm ára - ekki næstu fimm leikja."

„Ég hef verið að ræða við nokkra aðila á Ítalíu sem segja þetta vera frábær kaup."