Tottenham búið að næla sér í nýjan markvörð

Þrátt fyrir að félagaskiptaglugganum hafi verið lokað á Englandi 1. september er liðum enn leyfilegt að semja við leikmenn sem eru fáanlegir á frjálsri sölu og voru ekki samningsbundnir þegar lokað var fyrir félgagaskiptin.

Tottenham hefur því gert samning við markvörðinn Jimmi Walker sem var áður á mála hjá West Ham.

Knattspyrnustjórinn Harry Redknapp hjá Tottenham vildi reyna að fá David James frá Portsmouth til þess að leysa hinn meidda Heurelho Gomes af hólmi en ekkert varð úr því.

Hinn 36 ára gamli Walker mun keppa við Carlo Cudicini um markvarðastöðuna hjá Lundúnafélaginu á meðan Gomes er meiddur.