Ronaldo elskar Ricky Martin og R. Kelly

Cristiano Ronaldo er þekktur fyrir glæsitilþrif sín á knattspyrnuvellinum en mörgum aðdáenda hans þætti eflaust tónlistarsmekkur hans ekki upp á marga fiska.

Ronaldo á alla diskana sem latínótröllið Ricky Martin hefur gefið út nokkru sinni. Uppáhaldslagið hans með Ricky er að sjálfsögðu Livin' La Vida Loca.

„Lögin hans Ricky eru mjög grípandi. Livin' La Vida Loca er flottasta lagið og uppáhaldslagið mitt."

Hann er einnig mikið fyrir hjartaknúsarann R. Kelly og ekki síst slagarann hans, I Believe I Can Fly.

„Það er án nokkurs vafa uppáhaldslagið mitt í öllum heiminum. R. Kelly er frábær listamaður og textinn við lagið hefur reynst mér mikill innblástur."

Hann segir vel getað hugsað sér að fara með lag eins og Livin' La Vida Loca inn í búningsklefa Manchester United. „Rio Ferdinand finnst skemmtilegt að dansa og stundum þarf ekki nema einn til að koma öllum hinum af stað."