Garner skoraði þriðja mark ÍBV en ekki Gústi

Eyjamenn unnu gríðarlega mikilvægan sigur á Breiðabliki í Pepsi-deildinni í gær. Augustine Nsumba, kallaður Gústi, skoraði sigurmark ÍBV sem vann 4-3 útisigur. Flestir fjölmiðlar skráðu jöfnunarmark Eyjamanna einnig á Gústa.

Staðreyndin er hinsvegar sú að það var Matt Garner sem skoraði þriðja mark ÍBV og jafnaði í 3-3. Gústi átti skot sem flestir töldu að hefði breytt um stefnu af varnarmanni og ruglað Ingvar Kale í marki Breiðabliks.

Það var hinsvegar Matt Garner sem fékk boltann í sig og markið því hans og Gústi verður að sætta sig við að hafa bara skorað eitt mark í gær.